Եկեք Կարմիր ծովի ափին գտնվող չքնաղ Մակադի Բեյ՝ վայելելու ծովի լազուրն ու գեղեցիկ անապատի տեսարանը։ Բնական գեղատեսիլ ծովածոցում գտնվող շքեղ հանգստավայրը՝ Մակադին, առաջարկում է խաղաղություն և հանգիստ, ինչը չեք հանդիպի եգիպտական ոչ մի քաղաքում։ Մակադիում կարող եք վայելել հակասթրեսային, հանգստացնող ՍՊԱ, խաղալ գոլֆ ընկերների հետ՝ վայելելով գերող տեսարանները։ Կարող եք պառկել ոսկեգույն ավազներին ու ստանալ գեղեցիկ արևայրուք, լողալ ծովում կամ լողավազաններից մեկում, դայվինգով զբաղվել՝ ծանոթանալով Կարմիր ծովի ստորջրյա աշխարհին, այցելել Մակադիի շուկա, բարեր, խելահեղ պարել գիշերային ակումբներում։ Մակադին հրաշալի հանգստավայր է ամբողջ տարվա ընթացքում։