ՄԱՄՈՒԼԻ ՀԱՂՈՐԴԱԳՐՈՒԹՅՈՒՆ 19.07.2018թ.

Երևան Հարգելի գործընկերներ,

Սիրով հրավիրում ենք Ձեզ լուսաբանելու եգիպտական AIR CAIRO ավիաընկերության և Հայաստանում նրա պաշտոնական ներկայացուցիչ ԱՆՌԻՎԱ-ՏՈՒՐ տուրօպերատորի նոր օնլայն համակարգի շնորհանդեսը։ Համակարգն իր տեսակով առաջինն է Հայաստանում․ այս նոր, գերժամանակակից, գերարագ, միջազգային չափանիշներին համապատասխանող, գործածման առումով դյուրին համակարգը նախատեսված է ոչ միայն հայաստանյան տուրիստական ընկերությունների, այլև զբոսաշրջիկների համար։ Համակարգն առանձին մուտքի հնարավորություններ է ունենալու տուրիստական գործակալի և սովորական զբոսաշրջիկի համար։

Այս համակարգով յուրաքանչյուրը կկարողանա ծրագրել իր ճամփորդությունը դեպի Եգիպտոս, ամրագրել տոմսեր, հյուրանոցներ, էքսկուրսիաներ, ստանալ հատուկ առաջարկներ խմբային ճամփորդությունների դեպքում։ Համակարգը հագեցած կլինի նաև անհրաժեշտ ինֆորմացիայով․ մուտք գործելով կայք՝ կարելի է ստանալ կարևոր ու հետաքրքիր տեղեկություններ Եգիպտոսի, նրա տարբեր հանգստավայրերի, մուտքի արտոնագրի ստացման պայմանների մասին և այլն։

Շնորհանդեսին ներկա կլինեն բարձրաստիճան պաշտոնյաներ Հայաստանից և արտերկրից, Քաղաքացիական ավիացիայի կոմիտեն, Զբոսաշրջության պետական կոմիտեն, Հայաստանի զբոսաշրջության զարգացման հիմնադրամը, Բիզնես Արմենիա հիմնադրամը, Հայաստանում հավատարմագրված օտարերկրյա դեսպաններ, հայեգիպտական գործարար միության նախագահության անդամներ և այլք։

Շնորհանդեսը կկայանա հուլիսի 25-ին՝ Ալեքսանդր լյուքս կարգի հյուրանոցում՝ Կարս և Էրեբունի միացյալ սրահում։

Օրակարգ։

18։30-19։00 Հյուրերի գրանցում

19։00 Շնորհանդեսի սկիզբ

Օնլայն համակարգի ներկայացումից հետո սպասվում են հյուրասիրություն՝ երաժշտության ուղեկցությամբ, բարձր տրամադրություն, անակնկալ խաղարկություն և նվերներ։

Հարգանքով՝ ԱՆՌԻՎԱ-ՏՈՒՐ տուրօպերատոր